إلى الثوري جدا زياد كريشان

ضع على عجل جميع المساحيق
علها تغطي وجهك القبيح
عسي ألا يعرفوا حقيقتك
ضع و لا تخجل و لا تستحي
فالاستحياء من شيم الشرفاء
و أنت يا عزيزي مذ عرفـْتك هاذي البلاد ما عشت قط شريفا
فعلام الخجل ؟

 

شنوة الفرق

 

شنوة الفرق
بين اللي تعملوا النهضة غالط و داخل في نطاق العمالة للغرب و الإمبريالي

ة و لغايات انتخابية و معيز لو طاروا و اللي ضد النهضة هذاكا الباهي و المناضل و السياسي المحنك و اللي معاها قواد و خائن و بيوع وراكب على الثورة وتجار الدين و باش يهلكوا البلاد و اللاد داخل في متاهة
و بين اللي تعملوا النهضة مبروك و هذاكا هوة اللازم و داخل في نطاق سياسة المراحل وحد ما يفهم كيما القيادات و أحنا الأصح و موتوا بغيضكم و القيادات تعرف مصلحة البلاد أكثر من الناس الكل و مناضلين ومقدسين و فوق النقد و اللي ضد النهضة صهيوني تجمعي عميل و يتيم من أياتم بورقيبة و بن علي و الحكومة ناجحة و قوية و ثورية
♠♠♠♠♠♠♠♠♠ ما فما حتى فرق الزوز داخلين في حيط ♠♠♠♠♠♠♠♠♠

سامي الفهري هل يدفع ثمن نجاح برامجه

أثارت مسألة إيقاف سامي الفهري يوم السبت 25/08/2012 الكثير من اللغط والجدل في الرأي العام التونسي
الكثير من المهاترات و التجاذبات و الإتهامات  على موجات الإذاعات و الفضائيات و على صفحات الفايس بوك وعلى مواقع الأخبار الأكترونية 

 بين متهم و مؤيد

 بين معارض يبكي على حرية الإعلام المخنوقة

 وخائف من عودة الديكتاتورية 

بين مستبشر ببوادر نجاح عملية اكبس التي أطلقها مؤيدو الحكومة الغير راضين عن آداءها 

ومنتشي بانجاز يراه عظيما 

وبين غاضب مما يراه عقابا صارما لسامي الفهري على خلفية انتقاده اللاذع للساسة الذين يحكمون  

لا شك أن احترافية سامي الفهري و طريقة عمله المغايرة للآخرين التي ترتقي في الكثير من الأحيان إلى الجيد جدا رغم بعض المؤاخذات هي التي تثير الإعجاب والتعاطف مع الرجل
مادته الثرية و المتنوعة جعلت منه عاملا مؤثرا رغم الضغوطات التي مرت بها مؤسسته
و لكن هل يجعله هذا فوق القانون؟
القانون فوق الجميع
نعم فليحاسب سامي الفهري على أعماله قضائيا ان اقترف جرما و ليس علينا أن نعامله كبطل ثوري و ضحية رأي سجن لأنه انتقد الحكومة وضغط عليها و تجاوز أحيانا القواعد في النقد
لنترك القانون يأخذ مجراه
ولكن أليس الأولى أن يأخذ القانون مجراه في من هم أكبر من سامي الفهري و أخطر
أليس الأولى أن يأخذ القانون مجراه في رجال الأعمال الفاسدين الذين استغلوا علاقاتهم ببن علي و الطرابلسية
أليس الأولى فتح ملف القناصة ومن بث الرعب و الفوضى و فتح السجون و من استعمل قناته لإرهاب الناس و من استعمل جرائده لهتك أعراض المعارضين ومن استعمل قناته لبث الفتنة
أليس الأولى فتح ملف القضاة الفاسدين الذين باعوا ممتلكاتهم المكتسبة من الرشوة هربا من الحساب
أليس الأولى فتح ملفات الفاسدين في الوزارات و الإدارات و الولايات و المعتمديات و السفارات
أليس الأولى أن يأخد القانون مجراه في المقاولين الذين اكلوا أموال الناس و أرزاقهم و استفادون من القوانين الغبية متاع المناولة
أليس الأولى محاكمة من كانوا يتمعشون من وكالة الإتصال الخارجي
نرجو أن يكون سامي الفهري مقدمة لشانطي كبير و أن لا يكون كبش فداء لإرضاء الغاضبين أو رسالة شديدة اللهجة لمن تسول له نفسه انتقاد حكومة أصبحت محل انتقاد من حلفاءها و انصارها قبل معارضيها

الزبلة ...مسؤولية شكون الدولة ولا المواطن

بينما هم جالسان كي العادة و العوايد في مقهى الحومة اتى عبد الستار و قريبه الزمڨري وانتحيا ناحية في طاولة منتظرين النادل  ثم ما لبثا أن شاركاهما الجلسة بمجرد أن أومأ لهما فتحي مناديا
- إيجا ياعبد الستار و اقعد هاي لاحمة كي العادة
-السلام عليكم
-و عليكم السلام اهلا بيك و بضيفك
-يعيشك اش نوة أحوالكم نقدملكم  ولد عمي جاء البارح من برلين

-مرحبا نتشرفوا
وبعد وابل من الترحاب.... تكلم عبد الستار
- مالي أركم صاخبين يا جماعة كي العادة مشات الكورة توة دورتوها سياسة  

فأجابه حمدي
- تي هانا  نتحدثوا حلى حملة اكبس أنا نقول أنو  الحكومة موش خايبة شرعية و تخدم على روحها  أم  لازمها تكبس و تنقص من التردد و الارتباك اللي هي فيه ....

 ضحك سامي فنظر فتحي شزرا  وأكمل :
- و سي سامي  يقول ارخفوا البندير توة وحدها تتكبس الحكومة انت آش تقول ؟

-أنا نقول انو الحكومة هاذي ترفس و المعارضة ترفس و الشعب قاد يخلص

- ضحك سامي بغيض  قائلا الشعب هازوا الواد و النهضة تقول العام صابة

فأجابه فتحي بحنق أقعد أنت نهار الكل تنبر على النهضة نقصوا من الحس قاعدين نحكموا يا صفر فاصل كي لفظتكم الناس و ما جبتوا شئ وليتو تسبوا في الشعب
تكلم الزمڨري  كأنه يريد التخفيف من الحدة فقال متسائلا :
بالله سامحوني أنا عندي نهارين تقريب توة ندور في العاصمة  باهت كيفاش حاملين ها الزبلة اللي في الشوارع ياخي مافماش بلدية تي راني ريت أنواع الزبلة الكل في الشارع مالدبابز للساشيات للحكك و الكواخذ و التراب كيفاش ساكتين على الزبله هاذي الكل
تنطر سامي قائلا:لا عاد نحن ماو في عهد الخلافة السادسة مانعترفوش بالنظافة
فقاطعه فتحي كل العادة

- برى عاد خرّف توة في هاذي آش مدخلها الحكومة أحنا مسخين مللي كان الزين يحكم فينا أحنا الشعب الوحيد اللي نكتبوا على الحيوط الله لا ترحم والديه اللي يحط الزبلة برى للمدارس و للستادات و المنازه و للبلفيدير و لوسط البلاد و شوف الناس ولا على بالها
قداش منها ها الدولة
-اما زادة البلديات موش قاعدة تخدم قال عبدالستار لا فمة كماين قاعدة تدور لا فمة بوبلات ياخي الناس وين باش تحط زبلتها لا فمة برامج منظمة متاع لمان زبلة يخليوها تتكدس بالعشرة أيام في  الثنية و مبعد يجيبولها دركتور يكب شطرها في الشارع ... الأعوان يكركوا  

قال سامي ياولدي حكومة مضيعة البوسطة كنت تشوف الزبلة هاذي في عهد بن علي كان يمشي البلاد كي المنقالة الأعوان تخدم جاو الخوانجية ضاعت هيبة الدولة هذا إذا بقات دولة أصلا
قاطعه فتحي توة انت شيوعي وليت زادة تتحسر على بن علي و أيماتو
-اي ياسيدي نتحسر خاطر مكناش نشوفوا في الوسخ هذا حتى ولات عنا كوليرا يعجبكش توة
- يا ولدي آنا كوليرا ياخي تكذبوا كذبة تصدقوها كان على الحكومة  هاي هبطت وزراء تنظف و ضحكتوا عليهم هاو عملوا حملات نظافة و شراو و عملوا و نظفوا آش تحب تعمل الحكومة كي الشعب موش واعي تي بالله كي تحط ورا كل مواطن عون تنظيف  متاع بلدية ما تتفضش ....شوية من الحنة و شوية من رطابة اليدين
-قال الزمڨري وقد استوى قائما ليقوم معه عبدالستار فعلا ياجماعة المسؤولية مشتركة بين الدولة اللي لازم أولى أولوياتها نظافة البلاد لأنو هذاكا راس المال و زادة وعي الناس بأنو كيما تحرص على نظافة بدنك و دارك لازم تحرص على نظافة محيطك سامحونا يا جماعة لازم ننمشوا موضوع طويل

-السلام عليكم

-وعليكم السلام

-سمعتوا آش قال ماو البلاد ولات زبلة هاذي مسؤولية النهضة هاذي ما تحكيلي حتى حكاية

-ارتاح يا سامي ارتاح و فكّّـ عليها النهضة شوية

_"البورقيبيون".."الدستوريون".."الوسطيون": ماذا يجري؟_

بقلم صالح عطية

بعيدا عن مضمون خطاب السيد الباجي قائد السبسي في اجتماع المنستير يوم السبت المنقضي، والذي كرر فيه ما كان ترجمه بيانه السياسي قبل شهر ونيف،

بعيدا عن ذلك، فان الاجتماع الذي ضم بضعة آلاف من المواطنين والنخب السياسية من أطياف سياسية وإيديولوجية معروفة، لا يبدو مطمئنا بالنسبة لبناء قطب سياسي وسطي، تحتاجه البلاد، وتقتضيه عملية التوازن في المشهد

السياسي الراهن..

 نقول ليس مطمئنا لثلاثة اعتبارات أساسية:

أولها:

أن غالبية الأحزاب التي نظمت هذا الاجتماع وكانت 'وقوده' الرئيسي،  هي ما يطلق عليها الأحزاب الدستورية، نسبة الى الحزبالدستوري والحزب الاشتراكي الدستوري، وهذه في معظمها خرجت إبان الثورة من جنبات ‘التجمع الدستوري الديمقراطي المنحل’، وقد استعانت في اجتماع المنستير، بـ ‘الماكينة’ القديمة للتجمعيين كما يبدو واضحا من خلال عملية التنظيم وطبيعة الشعارات التي رفعت، وهوية الوجوه السياسية ورجال الاعمال والرياضيين الذين حضروا الاجتماع و’زينوا’ صفوفه الامامية، فضلا عن الوجوه المليشياوية للتجمع التي يعرفها أهل الساحل قبل غيرهم من جغرافيا البلاد..

ثانيها:
 استعادة ‘البورقيبية’ بصورة واضحة، سواء في خطاب قايد السبسي، او في مضمون المداخلات التي ألقيت، او في جدول أعمال الاجتماع.. وإذا كان من حق البورقيبيين ان ينتظموا بالشكل الذي يريدون، سياسيا وفكريا وحزبيا أيضا، فمن حقنا ان نتساءل بوضوح: عن أية ‘بورقيبية’ يمكن أن نتحدث؟ عن نموذج تسلطي استبدادي في حكم الرجل استمر لاكثر من ثلاثين عاما، وحصدت خلاله أرواح عديد المناضلين من كافة الأطياف والمشارب السياسية والايديولوجية؟ أم عن نموذج تحديثي ‘أعرج’، لا يجد أعمدته سوى في ملفات المرأة والصحة والتعليم، وننسى أو نتناسى عندئذ، حصاد الفقر والاقصاء والتهميش والجهات الشمالية والغربية للبلاد، التي أسست على منطق الحرمان، وعانت منه لأكثر من  خمسين عاما كاملة؟ وهل قدر  التونسيين ان تتبعهم ‘البورقيبية’ في حياة ‘الزعيمّ’ وبعد مماته وحتى بعد ثورة اجتماعية شبابية، يفترض انها

تمت على انقاض هذا المسار وخياراته السياسية والاجتماعية والثقافية؟ لا تعدو أن تكون ‘البورقيبية’ في هذا السياق، سوى رقم لمعادلة قديمة، رأسها ‘احزاب’ التجمع الدستوري المنحل، وذيلها بعض اطياف من اليسار ممن تبحث عن

سحابة واسعة تستظل بها من رمضاء السياسة الحارقة بعد الثورة، وفي أفق الاستحقاقات الانتخابية القادمة..

 ثالثها،

أن مفهومي ‘الوسطية’ و’الحداثة’ اللذين هيمنا على ما يعرف بـ’مبادرة قايد السبسي’، مازالا غامضين، وليس ثمة من الناحية النظرية او السياسية او الحزبية ما يوضحها، او يترجم معناها فالمرء يريد ان يفهم بدقة ومن دون مواربة: ماذا نعني بالحداثة؟ وما هو المقصود بالخط او القطب الوسطي؟ وهل لدى الاحزاب التي نظمت اجتماع المنستير، هوية وسطية او حداثية، وهي لا تعدو ان تكون سوى احزاب سليلة التجمع الدستوري، والخارجة من كم قميصه؟ ثم كيف تلتقي احزاب مثل (التجديد) و(الديمقراطي التقدمي) و(افاق تونس) وغيرها مع دستوريين لطالما كانوا معهم على طرفي نقيض سياسيا وفكريا

ونضاليا؟ ولعل ما يزيد من حجم الغموض في بداية مسار ‘القطب الوسطي الحداثي’ غياب اية اشارات واضحة لهوية هذا القطب، و’مادته’ الفكرية والسياسية، ومقاربته للمرحلة المقبلة، اذا استثنينا ما يسميه البعض بـ’خارطة الطريق’

التي اقترحها الباجي قايد السبسي للحكومة الراهنة.. لهذه الاسباب، قلنا منذ البداية، ان اجتماع المنستير، ورغم الهالة الاعلامية التي رافقته، والتي تذكر باجتماعات رئيس التجمع وامينه العام، تبدو غير مطمئنة..

إن تونس اليوم تحتاج الى حزب او قطب سياسي قوي من أجل توازن حقيقي في المشهد السياسي، توازن يضمن لنا معارضة قوية نقدية وفاعلة ومعدلة للحكم وحارسة للديمقراطية، ومانعة من عودة الاستبداد وليس معارضة بعقول قديمة،

أصلها في النموذج البورقيبي التسلطي، وفرعها في مقاربات ‘دستورية’ أكل عليها الدهر وشرب..

 مطلوب من السيد الباجي قايد السبسي مراجعة ‘حساباته’ لأنه من المستحيل لشعب انتفض ضد ‘الديكتاتورية’ التي اسس لها الدستوريون القدامى، ان يعيدوها للمسرح السياسي، فضلا عن الحكم، من جديد.. فالتاريخ، يا سي الباجي، لا يعود القهقرى.

السلفيين في تونس ليسوا دعاة عنف

مع القول بأن الإسلام ليس رايات ترفع وإنما منهج حياة
فإن الذي رأيناه اليوم من رفع الرايات يجب أن يفرح به التوانسة الكل العلماني قبل الإسلامي
اللي موش متدين قبل المتدين
الحمدلله شعبنا شعب مسلم مسالم لم يرد على قتل الشيوخ وتدنيس القران والمساجد بالارهاب بل بصورة سلمية رفع فيها رايات عليها شعار لااله الاالله
الحمدالله ماريناش واحد يقتل الأطفال  كيما صار في فرنسا
الحمد لله ماريناش ناش تخرج في فتواي تحلل فيها دماء المخالف كيما صار هاك العام في الجزائر
الشيخ أبو عياض التونسي قال اليوم "لن ننساق وراء الإستفزازات و ندعو كل من يشاركنا المنهج أن لا ينساق إلى العنف و أن يكون الأمر شورى بيننا"
كلمة تدل ان السلفيين في تونس ليسوا دعاة عنف
أما بالنسبة للي أصلا موش عاجبو الإسلام و ماذا بيه نرجعوا كيما في عهد بن علي ماذا بيه المتدين ندكوه في الحبس
لا يسعني إلا أن أقول له موتوا بغيظكم

مهلا لا تشارك في تشويه الدعاة

كلما تنوي أحد الجمعيات الدعوية بدعوة أحد المشايخ أو الدعاة 
يتلقف من في قلوب غل على الدين إسم الداعية و يذهبون إلى اليوتوب علهم يظفرون بمقطع فيه ذم و قدح له 
و غالبا جدا ما يجدون أحد المقاطع المفبركة من قبل الشيعة أو الملاحدة و الحاقدين على عقيدة ذلك الشيخ 
و بسرعة البرق يقومون بنشر هذه المقاطع على  الفايسبوك التونسي لتأليب الناس عليه 
هذا شيخ يفتي بختان النساء و اكتشفنا فيما بعد أنه إفتراء 
و هذا يفتي بعدم دخول البنت على أبيها و اكتشفنا أنه كان كذبا 
وهذا شيخ سارق يموت و يفني على بلاط الحاكم وآخر يكفر من قال بكروية الأرض و وهذا يفتي برضاعة الكبير و الآخر بالزواج العرفي إلى غير ذلك من الكذب و البهتان على الشيوخ و العلماء و الدعاة
 بل لم يسلم رسول الله صلى الله عليه و سلم من ذلك و صحابته و أهل بيته 
 و هلم جرا 
 أنك لن تجد عالما أو داعية واحدا لا يقدح  فيه و لا يذم و لا يعمل له مقطع فيديو يشوهه أو ينشر  كلاما له محرف 
 ويصدق البسطاء هذا الكلام و ينشرونه دون تثبت و دون إدراك بهذا التشويه المتعمد و دون حتى معرفة بالشيخ و أعماله و دراساته وانشطته 
إن الأصل في علاقة المسلم بالداعية إلى الله أن  يوقرهم دون تشدد في ذلك  و إن وجدت لهم زلات لا يجب أن ينسى أفضالهم و أعمالهم و يركز على أخطاءهم و يذمهم عليه بل يجب أن نتبرا من الفعال لا من الأشخاص  و الأصل في الناس أنه يخطؤون وإلا فهم ملائكة 


 الداعية لا يدخل الناس في الإسلام بل الأصل أنهم مسلمون بل يذكرهم بالله قال الله تعالى "و ذكر إن الذكرى تنفع المؤمنين" 
وقال الله "ولتكن منكم أمة يدعون إلى الخير و يأمرون بالمعروف و ينهون عن المنكر "


أعداء الإسلام بهذه المقاطع هدفهم واضح  هو أن لا تكون هناك ثقة بين
 الداعية و المسلم العامي حتى لا يتعلم و حتى يسهل اجتثاثه من دينه 

أما في تونس فالهدف واضح وجلي ومعروف الخوف من أن يعود الناس إلى الله بعد  أكثر من خمسين عاما من التغريب الفكري و لتعارض جل أفكارهم مع الإسلام الذي يرون فيه دفنا لإديولجياتهم البالية